BCCCAP00000000000000000001807

145. Zenbat neke ta zigor, zenbat otoitz ixil! Zenbat barau, gaubela, zenbat pausu umil! «Jesus animengatik zala jaio ta il», Aren bordara danak nai lituzkela bil, beti erririk-erri oien billa dabil. 146. Ez da bordarik, ez da mendiyan arkaitzik; orrentzat ez da iñun illun, ez ekaitzik; orrentzat ez da sasi, artzulo, txarrantxik; orren biyotzarentzat ez da beste pozik, Jesusek maite duna maitatzia baizik. 147. Maite-sua zeukaten gizon orren itzak; au indartzeko, berriz, mirari-egintzak. Aren beartasun ta nekezko bizitzak laister samurtzen zitun zeken ta murritzak, aren oñetan umil ziran gudaritzak.